जमशेदपुर। भोजपुरिया समाज के सबसे वरिष्ठ गायक अउर भोजपूरी गीतन के सम्राट भरत शर्मा 'ब्यास' के सरकारी उपेक्षा पर लोगन के विरोध खुल के सामने आ रहल बा। अपना जिनगी के करीब चार दशक भोजपुरी गीत-संगीत खातिर समर्पित कइला के बावजुद भरत शर्मा ब्यास के कवनो सरकारी सम्मान ना मिलला पर लोग सरकार के नीयत पर सवाल उठा रहल बाटे। एह घटनाक्रम में काल्ह एगो नया मोड आइल, जब भोजपुरी के करीब हर प्रमुख संस्था आ कई गो प्रमुख कलाकार/रचनाकार लोग एक स्वर में भारत सरकार से भोजपुरी गीत-संगीत में योगदान खातिर प्रसिद्ध गायक भरत शर्मा पद्मश्री के पद्मश्री सम्मान देवे के माँग कइल।