पटना। राजद अध्यक्ष लालू प्रसाद के हिसाब से नीतीश कुमार के नेतृत्व वाली सरकार के छह महीना तक  विरोध ना करे के उनकर व्रत समाप्त हो गइल बाटे, अउर उ अब गांव-गांव के दौरा कइ के एह सरकार के पोल खोलिहन। आज एहिजा राजद कार्यकर्ता सम्मेलन के बाद पत्रकार लोगन से बात करत लालू कहलन कि नीतीश कुमार के विधानसभा चुनाव में जीतला के बाद हम कहले रहनी की अगिला छः महीना तक हम उनकर कवनो प्रकार से विरोध ना करब, अउर एही वजह से हम दिंल्ली में रहनी ह।