पटना। बिहार के राजधानी पटना में छठ पूजा के उत्साह ओह समय गम के माहौल में बदल गइल, जब गंगा नदी के घाट पर भगदड़ मचला से कम से कम 18 लोग मारल गइल अउर 35 से बेसी लोग घायल हो गइल। हमनी के मिलल जानकारी के अनुसार मरे वाला लोगन में नौ गो छोट बच्चा समेत कइ गो महिला लोग शामिल बा। स्थानीय सूत्रन से आ रहल खबर के मुताबिक छठव्रतियन के अर्घ्य देवे खातिर अदालतगंज घाट पर अस्थायी रूप से बनावल गइल चचरी पुल (लकड़ी अउर बांस के पुल) के टूट गइला के बाद ओहिजा भगदड मच गइल, अउर लोग ओहिजा से जल्द-से-जल्द बहरी निकले के कोशिश करे लागल।