पटना। प्रसिद्ध फिल्म प्रचारक प्रशांत के असामयिक निधन से पूरा भोजपुरी फिल्म इंडस्ट्री सदमा में आ गइल बाटे। भोजपुरिया डॉट कॉम के मिलल जानकारी के अनुसार प्रशांत के निधन आज सबेरे एगो सडक-दुर्घटना में हो गइल, जब ऊ लखनऊ से पटना लौटत रहलन। ई दुर्घटना जगदीशपुर (आरा) का लगे राष्ट्रीय राजमार्ग पर भइल, जवना में उनका संगे सुजीत मिश्रा के भी निधन हो गइल।स्व. प्रशांत अभी मात्र 22 साल के रहलन, अउर एतना कम उमिर में उनकर पहिचान भोजपुरी फिल्म इंडस्ट्री के एगो बडहन प्रचारक का तौर पर हो गइल रहे। अपना भाई निशांत का संगे मिल के ऊ "एंटरटेनमेंट मीडिया" नामक एगो कंपनी चलावत रहलन, जवन भोजपुरी फिल्मन के प्रचार-प्रसार अउर जन-संपर्क के काम देखेले। भोजपुरी फिल्मन के अलावा कई गो भोजपुरी कार्यक्रम अउर भोजपुरी टीवी चैनल "महुआ" के भी प्रचार-प्रसार के जिम्मा एही कंपनी का लगे बा।
उनका संगे आ रहल सुजीत मिश्रा महुआ पर चल रहल रियलिटी शो "सुर संग्राम" के क्रियेटिव डाइरेक्टर रहलन। फिल्म अभिनेता रवि किशन एह लोगन के निधन से व्यथित दिखलन, अउर एकरा के भोजपुरी फिल्म इंडस्ट्री अउर भोजपुरिया समाज खातिर एगो अइसन क्षति बतवलन, जेकर भरपाई संभव नइखे। रवि कहलन कि ऊ एह लोगन के कई साल से जान तारे, अउर सुजीत त उनका खातिर एगो नया प्रोजेक्ट भर भी काम करत रहलन।
एगो हँसमुख प्रतिभा के धनी प्रशांत के असामयिक निधन के खबर जेकरा भी मिलल, ऊ सदमा में आ गइल। फिल्म निर्माता अउर वितरक अभय सिन्हा एकरा के फिल्म इंडस्ट्री खातिर एगो अपूरणीय क्षति बतवलन। फिल्म निर्माता आलोक कुमार एह घटना से सदमा में बाडन, अउर एकरा के आपन निजी क्षति बतवलन। ऊ कहलन कि भोजपुरी फिल्मन के सफलता में प्रशांत के योगदान अतूलनीय बाटे, अउर फिल्म इंडस्ट्री एकरा के हमेशा याद राखी। एकरा अलावा कुणाल सिंह, भरत शर्मा ब्यास, मुर्तजा जाफरी, दिनेशलाल यादव निरहुआ, सुनील बूबना अउर अन्य लोगन का ओर से भी शोक संदेश आइल बा, जवना में ऊ लोग एह घटना पर शोक प्रकट कइले बा, अउर उनका आत्मा के शांति खातिर प्रार्थना कइले बा।
एह शोक का घडी में भोजपुरिया डॉट कॉम एह लोगन के परिवार का संगे बा। हमनी खातिर ई एगो निजी क्षति हवे, काहें कि ई दूनो लोग हमनी के सहयोगी वेबसाइट जयभोजपुरी डॉट कॉम के सदस्य रहे लोग। हमनी का दुआ कर तानी जा कि भगवान ओह लोगन के ई दुख झेले के शक्ति देस, अउर उनका आत्मा के शांति देस।
हम भगवान से एह दुनो लोगन के आत्मा के शांति खातिर प्रार्थना करत बानी आ भगवान से दुआ मांगत बानी की प्रशांत जी के आ सुजीत जी के घर वाला लोगन के एह आघात के , एह अपुरणीय क्षति के सहे के शक्ति देसु ।
एह दुख के घडी मे हमनी के प्रार्थना आ दुआ प्रशांत जी निशांत जी के घर वाला लोगन के संगे बा ।
Prashant was such a kind person, who will be greatly missed by all who knew him. I will miss his helpful advice. I remember the time when I was releasing "PURAB" he arranged all media matters & helped me until midnight! He called me just a week back,on the day of "Baqraeid" I'll never forget that time. I think about how much I will miss him.
May "ALLAH" bless Nishant (his brother) and his family during this time and always
ई त सच बा की तहरा से अब भेट न होई,
पर अंखिया याद करके तहरा के जरुर रोई.
कुंदन कुमार चौधरी
रांची
भगवान उनका आत्मा के शांति दें
and express profound sorrow and condolences his family.
अध्यक्छ , भोजपुरी अकादमी ,( बिहार सरकार )
he bhagwan please prashant bhai ke atma ko santi de.
bholendra patel
president
purvanchal film development association